සංවිධානාත්මක අපරාධකරු ‘හරක් කටා’ රැඳවුම් භාරයේ සිටියදී සහන සැලසීමට ඔහුගේ බිරිඳගෙන් රුපියල් ලක්ෂ 1,200ක අල්ලසක් ලබා ගැනීමේ චෝදනාව ලැබූ රඛිත රාජපක්ෂ ඇතුළු තිදෙනා අද (17) අධිකරණයට ඉදිරිපත් කෙරේ.
හරක් කටාගේ බිරිඳගෙන් ලක්ෂ 1,200ක් ගත් චෝදනාව: රඛිත රාජපක්ෂ ඇතුළු තිදෙනා අධිකරණයට රැගෙන එයි!
සංවිධානාත්මක අපරාධකරුවෙකු වන නඳුන් චින්තක වික්රමරත්න හෙවත් “හරක් කටා” නැමැත්තාගේ බිරිඳගෙන් රුපියල් ලක්ෂ 1,200ක දැවැන්ත අල්ලස් මුදලක් ලබා ගත්තේ යැයි චෝදනා ලැබූ සැකකරුවන් තිදෙනෙකු අද (17) උදෑසන කොළඹ ප්රධාන මහේස්ත්රාත් අධිකරණය වෙත රැගෙන විත් තිබේ.
මෙසේ අධිකරණයට ඉදිරිපත් කරනු ලැබුවේ:
- නීතීඥ රඛිත රාජපක්ෂ (හිටපු අධිකරණ අමාත්ය විජයදාස රාජපක්ෂ මහතාගේ පුත්රයා)
- චරිත් අබේසිංහ (සමගි ජන බලවේගයේ හිටපු හොරණ ආසන සංවිධායක)
- අරුණ වරුණහැන්දිගේ (සිවිල් ගුවන්සේවා අධිකාරියේ හිටපු අධ්යක්ෂකවරයෙක්)
චෝදනාවේ පසුබිම ත්රස්තවාදය වැළැක්වීමේ පනත යටතේ රැඳවුම් භාරයේ පසුවන හරක් කටා නැමැත්තාට රඳවා තබා ගැනීමේදී විවිධ සහන සැලසීම සඳහා මෙම සැකකරුවන් තිදෙනා රුපියල් මිලියන 120ක (ලක්ෂ 1,200ක) මුදලක් ඔහුගේ බිරිඳගෙන් ලබාගෙන ඇති බවට අල්ලස් හෝ දූෂණ චෝදනා විමර්ශන කොමිෂන් සභාවට තොරතුරු අනාවරණය වී තිබිණි.
ඒ අනුව අල්ලස් කොමිසම මඟින් පසුගියදා මොවුන් අත්අඩංගුවට ගත් අතර, මින් පෙර අධිකරණයට ඉදිරිපත් කිරීමෙන් අනතුරුව රිමාන්ඩ් බන්ධනාගාරගත කර සිටියේය. අද දින නඩුව නැවත කැඳවීමත් සමඟ සැකකරුවන් තිදෙනා මෙලෙස කොළඹ ප්රධාන මහේස්ත්රාත් අධිකරණය වෙත රැගෙන ආ බව වාර්තා වේ.
