ලෝක වෙළෙඳපොළේ බොරතෙල් බැරලයක මිල අද (17) ඇමෙරිකානු ඩොලර් 80 සීමාවට වඩා පහළ අගයක් ගෙන තිබේ. බ්රෙන්ට්, WTI සහ මර්බන් බොරතෙල් මිල ගණන් මෙලෙස පහළ බැස ඇති බව විදෙස් වාර්තා පවසයි.
ලෝක වෙළෙඳපොළේ බොරතෙල් මිල ඩොලර් 80 සීමාවෙන් පහළට; මර්බන් තෙල් මිල 7% කින් කඩා වැටෙයි!
ලෝක වෙළෙඳපොළේ බොරතෙල් බැරලයක මිල අද (17) ඇමෙරිකානු ඩොලර් 80 සීමාවට වඩා පහළ අගයක් ගෙන ඇති බව ජාත්යන්තර විදෙස් වාර්තා සන්නිවේදනය කරයි.
ගෝලීය ආර්ථික සාධක සහ සැපයුම් දාමයන්හි සිදුවූ වෙනස්කම් හමුවේ මෙලෙස ලෝක වෙළෙඳපොළේ බොරතෙල් මිල ගණන් පහළ මට්ටමකට පැමිණ තිබේ.
ඒ අනුව ඇමෙරිකානු WTI (West Texas Intermediate) ඉන්ධන බැරලයක මිල අද දිනයේ සටහන් වූයේ ඇමෙරිකානු ඩොලර් 76.28 ක වැනි ආසන්න අගයකි. එමෙන්ම ජාත්යන්තර වශයෙන් ප්රමුඛතම දර්ශකයක් වන බ්රෙන්ට් (Brent) වර්ගයේ බොරතෙල් බැරලයක මිල ද අද දිනයේ ඇමෙරිකානු ඩොලර් 79.13 ක් ලෙස පහළ අගයක දැක්වුණි.
මර්බන් බොරතෙල් මිල විශාල ලෙස පහළට මේ අතර ශ්රී ලංකාව වැනි රටවලට බෙහෙවින් වැදගත් වන මර්බන් (Murban) බොරතෙල් බැරලයක මිල ඩොලර් 71.81 ක් දක්වා 7.02% ක සුවිශේෂී ප්රතිශතයකින් පහළ ගොස් ඇත.
මැදපෙරදිග කලාපීය යුදමය තත්ත්වයන් ආරම්භ වන අවස්ථාව වන විට ලෝක වෙළෙඳපොළේ බොරතෙල් බැරලයක මිල ඩොලර් 68 ත් 70 ත් අතර පරාසයක පැවති අතර, ඉන්පසු මිල ගණන් වේගයෙන් ඉහළ ගියද මේ වන විට එය නැවතත් ස්ථාවර මට්ටමකට පැමිණෙමින් තිබේ.
