ගම්පහ දිස්ත්රික්කයේ ප්රදේශ රැසකට අද පැය 19 ක හදිසි ජල සැපයුම අත්හිටුවීමක්; බලපෑම් එල්ල වන ප්රදේශ මෙන්න!
අත්තනගල්ල, කරස්නාගල ජල පිරිපහදු ඒකකයේ සිදුකෙරෙන හදිසි නඩත්තු කටයුත්තක් හේතුවෙන් ගම්පහ දිස්ත්රික්කයේ ප්රදේශ රැසකට අද (16) පැය 19 ක කාලයක් ජල සැපයුම අත්හිටුවීම සම්පූර්ණයෙන්ම සිදුකිරීමට සිදුවන බව ජාතික ජල සම්පාදන හා ජලාපවහන මණ්ඩලය නිවේදනය කරයි.
ඒ අනුව අද (16) අඟහරුවාදා පෙ.ව. 8.00 සිට හෙට (17) බදාදා අලුයම 3.00 දක්වා පහත සඳහන් ප්රදේශවලට ජල සැපයුම අත්හිටුවීමට තීරණය කර ඇත.
ජල කප්පාදුව සිදුවන ප්රධාන කලාප සහ ප්රදේශ:
- මිනුවන්ගොඩ කලාපය: මිනුවන්ගොඩ, අස්ගිරිය, උඩුගම්පොළ, ඕපාත සහ ඒ අවට ප්රදේශ.
- ගම්පහ කලාපය: ගම්පහ මහ නගර සභා බල ප්රදේශය, ගම්පහ ප්රාදේශීය සභා බල ප්රදේශය, වැලිවේරිය, බැලුම්මහර, රතුපස්වල හා ඒ අවට ප්රදේශ.
- මහර කලාපය: මහර ප්රාදේශීය සභා බල ප්රදේශයට අයත් මාහරගම, සිවුරළුමුල්ල, කිරිකිත්ත, කිනිගම, ඇටිකෙහෙල්ගල්ල සහ ඒ අවට ප්රදේශ.
- අත්තනගල්ල කලාපය: රන්පොකුණගම නිවාස යෝජනා ක්රමය, ඌරාපොල, අත්තනගල්ල, බටලීය, වතුපිටිවල සහ ඒ අවට ප්රදේශ.
- නිට්ටඹුව කලාපය: නිට්ටඹුව, වේයන්ගොඩ, කලගෙඩිහේන, තිහාරිය, නයිවල සහ ඒ අවට ප්රදේශ.
පාරිභෝගිකයන් වෙත දැනුම්දීමක් ජල සැපයුම අත්හිටුවීම නිසා පාරිභෝගිකයන්ට සිදුවන අපහසුතාවය පිළිබඳව ජාතික ජල සම්පාදන හා ජලාපවහන මණ්ඩලය සිය කණගාටුව පළ කර සිටියි.
මේ නිසා අදාළ කාලය සඳහා අවශ්ය ජලය කලින් රැස්කර තබා ගන්නා ලෙසත්, ජලය ඉතා අරපිරිමැස්මෙන් පරිභෝජනය කරන ලෙසත් මණ්ඩලය ජනතාවගෙන් ඉල්ලා සිටියි. මේ පිළිබඳව වැඩිදුර තොරතුරු අවශ්ය නම් 1939 ක්ෂණික ඇමතුම් අංකය මඟින් විමසිය හැකිය.
