මහනුවර – යාපනය A-9 මාර්ගයේ කටුගස්තොට කලුගල ප්රදේශයේදී පාසල් වෑන් රථයක් සහ පෞද්ගලික බස් රථයක් මුහුණට මුහුණ ගැටීමෙන් බිහිසුණු අනතුරක් සිදුව තිබේ. අනතුරින් පාසල් සිසුන් 17 දෙනෙකු සහ වෑන් රථ රියදුරු තුවාල ලබා මහනුවර සහ කටුගස්තොට රෝහල්වලට ඇතුළත් කර ඇත.
A-9 මාර්ගයේ කටුගස්තොටදී බිහිසුණු අනතුරක්: පාසල් සිසුන් 17ක් සහ රියදුරු රෝහලට!
මහනුවර – යාපනය A-9 ප්රධාන මාර්ගයේ කටුගස්තොට, කලුගල ප්රදේශයේදී අද (15) පස්වරු 2.00 ට පමණ පාසල් වෑන් රථයක් සහ පෞද්ගලික බස් රථයක් මුහුණට මුහුණ ගැටීමෙන් බිහිසුණු රිය අනතුරක් සිදුව තිබේ.
මෙම අවාසනාවන්ත අනතුරින් පාසල් වෑන් රථයේ ගමන් ගත් පාසල් සිසු සිසුවියන් 17 දෙනෙකු සහ එහි රියදුරුවරයා බරපතළ තුවාල ලබා රෝහල්ගත කර ඇති බව පොලීසිය පවසයි.
අනතුර සිදු වූ අයුරු පොලීසිය සඳහන් කළේ පෞද්ගලික බස් රථය මහනුවර දෙසට ධාවනය වී ඇති අතර, පාසල් ළමුන් රැගත් වෑන් රථය ඊට ප්රතිවිරුද්ධ දෙසින් ධාවනය වෙමින් තිබියදී කලුගල ප්රදේශයේදී මෙලෙස මුහුණට මුහුණ ගැටී ඇති බවයි.
අනතුරින් තුවාල ලැබූ පිරිස කටුගස්තොට ප්රාදේශීය රෝහලට සහ මහනුවර ජාතික රෝහල වෙත ඇතුළත් කිරීමට ප්රදේශවාසීන් සහ පොලීසිය වහාම පියවර ගෙන ඇත. ශීඝ්රයෙන් රථවාහන ධාවනය වන ඒ-9 මාර්ගයේ මෙම අනතුර හේතුවෙන් සුළු වේලාවකට රථවාහන තදබදයක් ද හටගෙන තිබුණි.
සිද්ධිය සම්බන්ධයෙන් කටුගස්තොට පොලීසිය විසින් වැඩිදුර විමර්ශන කටයුතු සිදුකරනු ලබයි.
